الاثنين، 14 نوفمبر 2011

كانيلونى بالحمة

السلام عليكم و أهلا بكم جميعا...


كنا معزومين عند أحد أقاربى و زوجها ما شاء الله بيطبخ حلو قوى و حب أن يعمل الكانيلونى بالدقيق الذرة بدلا من القمح و كانت مفجأة جميلة لعائلتى و خصوصا أبنى و باقى المعزومين أكلوا منها وقالوا جميلة  و الكمية عملت 2 بيراكس وسط و فضل كمية بسيطة أخذتها معى الى البيت و كانت بالنسبة لى لما أتفردت الكريب كأنها لازنيا....
معلش الصورة مش حلوة أصها من الموبايل.

المقادير كانت فى منتدى بدقيق القمح هو بدلها بدقيق الذرة البيضاء.


المقادير:-
-لعمل الكريب:-
كوب من اللبن + كوب من دقيق الذرة + 4 بيضات و ذرة ملح و فلفل = كله فى الخلاط.
أعملى الكريب فى تيفال صغير واحدة بعد الأخرى......لغاية لما يخلص الخليط.

-اللحمة المفرومة:
تعصجى اللحمة بالبصل و فى الأخر ضعى عليها طماطم متقطع صغير و فلفل أخضر متقطع صغير و ملح و فلفل و( صلصة طماطم لو بتحبى) و ذرة بهارات ثم أضيفى اليها نصف كوب من البشاميل و قللبى.

-البشاميل:  بدقيق الذرة.

- صلصة طماطم.

- ضرب فى الكبة جبنة موتوزيلا+شيدر+جبنة رومى.

الطريقة:-
*خذى واحدة من الكريب و ضعى فيها اللحمة المعصجة ثم أضيفى اليها شوية جبنة و لفيه و ضعيه فى الصينية.
*تكرر الخطوة حتى تكتمل الصينية.
*صبى فوق الخليط صلصة طماطم.
*ثم ضعى البشاميل و فى الأخر رشى عليه خليط الجبن.
* بعدين فى الفرن . 

لعمل اللازنيا:-
ممكن بيركس مدور صغير و ضعى فيها الكريب و هو مفرود ثم اللحمة و البشاميل و الجبنة و أعملى منها طبقات و فى النهاية بشاميل أكتر و جبنة.

جزاكم الله خيرا يا محمد و أيمي و شكرا لكم....

بالهنا و الشفا.....

ليست هناك تعليقات: