الأحد، 11 سبتمبر، 2011

مقدمة/معرفة السيلياك/دور الأم


السلام عليكم و اهلا و سهلا بكم جميعا و يا رب تلاقوا كل اللى نفسكم فيه ,  يوجد وصفات فيها حقوق الطبع للشركة و وصفات مفتوحة للجميع. هذه الأمانة حبيت أخبركم بيها و لكم جزيل الشكر.

معرفة السيلياك عند الأطفال:- عدم القدرة على التركيز- وجع فى البطن- اسهال - نزيف بسيط و لكل متكرر من الأنف - عظم ضعيف و موجع كان أبنى يشكى دائما من وجع فى الركبة و عدم القدرة على السير لمسافات طويلة- عدم النمو- انقاض الوزن- سقوط الشعر-اكزيما- صداع-ازمة صدرية- مشاكل بالاسنان- تعب و ضعف عام. ...... 

دور الأم مع الطفل:- ( كان موضوع فى كتاب عندى).
* أدعى كتير و استعينى بالله و توكلى عليه و طبعا خذى النية الصالحة لانها هية أساس النجاح فى كل شىء و أحتسبى الاجر.
* أهم حاجة تعلمى طفلك أنه أسلوب حياة و أن هذا هو نوع الطعام لان لو أكلنا الأكل الثانى ممكن بطنك توجعك.......و هكذا
*دائما تذكرى أن الطفل يتعلم منك فأنت حسسيه ان الاكل بتاعه جميل و حلو و صحى و أحسن بكتير من الجاهز و خلييه يشارك معك فى الوصفات - هو هيحبه و يعتاد عليه و بفضل الله أنه طفل مش كبير مثلنا و سوف يغيير ما أكله طول حياته الموضوع صعب عليكى و لكن ليس عليه :). 
*دائما دااااااائما ادخلى المطبخ و فى الشنطة بتاعتك على طول حاجات حلوة للطفل. لو معزومة اعملى كيك-بسكوت-اشترى حاجة ينفع يأكلها لكى لا يحس بالنقص و الفرقة بينه و بين الناس- حبيبى انت معاك و هما معاهم :) .
*و اذا عملت حاجة حلوة فى البيت دائما بعملها خالية من الجلوتين بيكون أسهل و بنشارك أبنى فما بيحس أن فى أختلاف بين أكلنا و أكله و أعتقد أنها حاجة مفيدة جدا فى تشجيع اولادنا.

هذا بجد من فضل ربى ثم العلم و بجد المجهود الخاص بكل من علم و بالاجانب لاختراع وصفات قريبة جدا من القمح طعمها جميل ؛بجد الحمد لله أن فيه حاجة كدة. اطمنى و الموضوع بفضل الله عسر فى الاول و بعد كدة ان شاء االله يمن علينا دائما سهولة و يسر فى العيش.


ليست هناك تعليقات: