الاثنين، 4 أكتوبر، 2010

رقائق العيش اللذيذة Wrap

كان نفسى من زمان ألاقى وصفة سهلة و ناجحة و طعمها لذيذ و بفضل الله كنت اتصفح فى المدونات الاجنبية و لقيت هذه الوصفة و جربتها و نجحت معايا و حبيت تعرفوها و تجربوها و ممكن استخدامها لعمل البيتزا و احلى حاجة انها مسكة نفسها و عادى تفرديها و تتنيها كما تريدين و هشة و طريه جدا...


المكونات:
المكونات الاساسية مع بعض فى بولة متوسطة:
كوب من دقيق الرز البنى
نصف كوب من التبيوكا
2 معلقة كبيرة من السكر
2 معلقة صغيرة من صمغ الزنثان
معلقة كبيرة من الخميرة الفورية

فى اناء أخر:
2 بيضة
نصف معلقة صغيرة من الملح
2 معلقة كبيرة من زيت الزيتون
معلقة صغيرة من الخل
3/4 كوب من الماء الدافى.
دقيق من الرز لوضع العجيبة فى الصنية

الطريقة:
خلط المكونات الاساسية مع بعض ثم ضرب المكونات السائلة مع بعض بالمضرب حتى تتجانس جيدا.
ثم صب المكونات الاساسية على مراحل بطيئة على السائلة و ضربها لمدة 4 دقائق.
 ثم ضعيها فى صنية مربعة كبيرة لتختمر لمدة 35-40 دقيقة.
شغلى الفرن على حرارة 218 لمدة 11-15 دقيقة انا سبتها لمدة 14 دقيقة لانى احبها لونها غامق و لكن المرة القادمة سوف اخليها 11 دقيقة لكى يكون لونها ابيض مثل التوست الابيض و بالهنا و الشفا..

سبحان الله انهاردة فى أخر أبريل كنت بتصفح الانترنت  و لقيت الطريقة بالصور و اليكم الرابط لكى يسهل عليكم الطريقة , خبز فى منتهى الجمال
http://www.whatlifedishesout.com/?p=1184
و يمكن طبعا الاستغناء عن البهارات كما هو موضح فى الصورة الخاصة بى.

بالهنا و الشفا

هناك تعليقان (2):

حبيبتى يقول...

الخلطه ديه فعلا جميله وطريه انا جربتها بلارز الابيض فقط وخصوصا لو اتعملت بيتزا انا عملتها بيتزات صغيره وحطيتت فوقها صلصه طماطم ولحمه مفرومه وشليت منها فى الفريزر وطلعتها بعد شهر وسيتها بره الفريزر فى كيس وكان طعمها جميل وطرى

Green يقول...

الحمد لله , فكرة البيزا فى الفيزر عمرى ما جربتها شكرا لك :)